有一日心血來潮我走左去傍重, 竟然輕左 2公斤, 係2KG, 唔係2g 唔係2lbs, 係kg 即係成4.4lbs!!!
大家都知就算係0.01lbs對女人黎講都好重要莫講話係足足成4.4lbs! 所以我決定要好好keep住。
不過其實我一向既飲食習慣都唔係健康, 亦無話刻意去食少啲去令自己變輕, 所以我諗住要改一改個習慣要keep到呢個體重之餘要多啲食蔬果。
經過我多日黎對卡路里既研究, 我砌左一個我自己鍾意既沙律飽肚之餘又唔會難食到你唔想食。故事來了: 我由細到大係極唔鍾意有汁有醬既野, 去親M記只會食魚柳bell 或麥樂雞餐, 而食親魚柳bell我都一定會走醬!!! 食麥樂雞都唔會點果啲乜乜甜酸醬, 我鍾意原汁原味, 但身邊人總係話我鍾意「乾哽」, 佢地識乜丫 -__- 所以細個到前幾年我都係乜野有醬既我都唔食, 沙律直情係死敵。但兩三年前我開始接受到Caesar salad, 所以都終終唔使對salad say no! (但其實什麼紅色白色既醬我仍然都係未接受到, 白色既salad醬好creamy果啲簡直係聞到都想嘔那種)
食譜材料
- honey dijon dressing x 1 oe 2 table spoon (1 spoon = 15 calories)
- 蕃茄仔 x 10粒
- 火腿 x 1 片 (係果啲已經煮熟左响雪櫃拎出黎可以就咁食果啲)
- 脆脆麵包粒 x 6 (Fresh Gourmet Organic Croutons)
- 尋晚食剩乜都好, 少少就好既野, (例如雞肉或者少少意粉)
- baby green mix x 1 cup
- salad mix 乜菜都好, 你鍾意
以上所有都响COSTCO買到, 除左 Honey dijon dressing購自SAFEWAY, 沙律菜mix可購自walmart or safeway, 隨你。我就係見邊度平就買。
附圖:
Calorie Count - 呢個網站有個IPHONE APP我download左响電話度, 當我想紀錄低我今日食過咩既時候會用佢既food log, 佢入面仲有個database可以幫你搵到你食既野既calories, 可以警剔你今日食左幾個有營養既野。
